بواسطة zaina » الاثنين مايو 31, 2010 7:12 pm
أختي نورا
الرب يباركك لأنك عم تبحثي عن الحق و الرب يسوع بيقول تعرفون الحق و الحق يحرركم
و لحتى تعرفي الحق يا نورا أنا بنصحك تقرأي الإنجيل حتى تعرفي عن الرب يسوع المسيح
القصة مو قصة دينلكنها قصة محبة أبدية أعطانا إياها الرب يسوع لما مات عننا على الصليب حتى تنغفر كل خطايانا
لأنه الحقيقة نحنا عنا كتير خطايا لكن يسوع حبنا و غفرلنا كل خطايانا و تحمل العقاب اللي نحنا كان لازم ندفعة
الرب يسوع إله المحبة و السلام إله العطايا الصالحة و بحب إحكيلك عن الرب يسوع لأني أنا اختبرت محبته و عرفت عليه لما كان عندي كتير حيرة و تساؤلات متلك
يسوع هو الأب الصالح الليبأحبنامحبة حقيقية بتفوق كل عقل الرب يسوع المسيح هو اللي بيعلمنا (أحبو بعضكم بعضاً باركو لاعنيكم ) فكري بها الكلام يا أختى نور
و حتى تصلي صح بحب قلك إنو الصلاة هي حديث مع الله يعني إنتي أول شي لازم تقرأي بالإنجيل حتى تعرفي كيف تصلي و لما بتحكي للرب يسوع نفس الكلام اللي شاركتينا فيه الرب أكيد رح يسمعك لأنه بيقول بكلمته (كل ما تطلبونه من الآب بإسمي يستجاب لكم)و إنتي عم تطلبي الحق يا نور
و الرب رح يجاوبك من خلال كلمته بالكتاب المقدس
أنا كمان و كل أسرة عمل شباب عالبال رح نصلي من أجلك حتى تعرفي الحق الرب يسوع
إبدأي اقرأي إنجيل يوحنا و خلينا نعرف أخبارك
الرب معك
زينة
